#Кыскача яңалыклар 20 октябрь 2026, 11:18

2027 елда пенсияләр 30 мең сумнан артачак: пенсионерлар күпмегә күбрәк алачак?

20 октябрь 2026, 11:18

2027 елда эшләмәүче россиялеләрнең картлык буенча уртача иминият пенсиясе 2 466 сумга артып, 30 241 сумга җитәргә мөмкин.

Скопировать ссылку

Бу хакта РИА Новостига Россия Социаль фонды рәисе Сергей Чирков хәбәр иткән.

Аның сүзләренә караганда, өстәмә түләүнең уртача күләме 2,4 мең сумнан артып китәчәк.

Элегрәк вице-премьер Татьяна Голикова 2027 елда иминият пенсияләрен ике этапта индексацияләү планлаштырылуын белдергән иде: 1 февральдән — 6,8 процентка, ә 1 апрельдән тагын 3,3 процентка.

Игътибар: 30 241 сум — барлык пенсионерларга билгеләнәчәк бердәм сумма түгел, ә эшләмәүче пенсионерлар өчен фаразланган уртача пенсия күләме.

Кызыклы яңалыкларны күзәтеп бару өчен безнең МАХ каналына кушылыгыз.