#Кыскача яңалыклар 22 июль 2026, 10:13

63 яшендә беренче тапкыр әни булган!

22 июль 2026, 10:13

Әзәрбайҗанда шаккаткыч вакыйга: 63 яшьлек Гёвхар Джафарова беренче тапкыр әни булган, ул улын Баку сәламәтлек үзәгендә тудырган.

Скопировать ссылку

Яшь әни 38 ел балага уза алмаган. Озак еллар дәваланудан соң, ниһаять, заманча репродуктив технологияләр ярдәмендә әни булу бәхетенә ирешкән.

Балага Зафар дип кушканнар. Әзәрбайҗан телендә ул "җиңү" дигәнне аңлата. Бу исемне Әзәрбайҗан армиясенең җиңү хөрмәтенә сайлаганнар. Бала туу турындагы яңалыкны социаль челтәрләрдә акушер-гинеколог Натиг Магеррамов хәбәр иткән. “Аллаһ ярдәме белән дәваладык, һәм безнең 63 яшьлек пациентыбыз беренче тапкыр баласын кочаклый алды. Аллаһка шөкер”, – дип язган табиб. Аның сүзләренә караганда, Зафар бик көтеп алынган бала, һәм әти-әнисе аның дөньяга килүе өчен барысын да эшләгән.

Кызыклы яңалыкларны күзәтеп бару өчен безнең МАХ каналына кушылыгыз.