Алдагы көннәрдә Татарстанда нинди һава торышы көтелә?

8 гыйнварда республикада кар, җепшек кар һәм вак яңгыр көтелә, кайбер районнарда буран булуы да ихтимал. Төнлә һава температурасы -4…-9 градус, көндез -5…0 градус булачак.

Җомга, 9 гыйнварда, явым-төшем дәвам итә. Төнлә -3…-8 градус, көндез -1…-6 градус көтелә. Җил көньяк-көнчыгыштан һәм көньяктан 6–11 м/с, урыны белән 17 м/ска кадәр көчәергә мөмкин.

Шимбә, 10 гыйнварда, һава торышы бераз тынычланачак: төнлә явым-төшем фаразланмый, көндез бераз кар ява ала. Төнлә -5…-10 градуска, көндез -2…-7 градуска кадәр суытачак. Бозлавык юлларда хәрәкәтне катлауландырачак. Бу турыда ТНВ сайтына хәбәр ителә.