#Кыскача яңалыклар 07 июль 2026, 15:56

Азнакай яшьләре гражданлык никахы турында фикер алышты

07 июль 2026, 15:56

Азнакайда «Гаилә атналыгы» кысаларында «Гражданлык никахы: миф яки чынбарлык» темасына «Үз уен» интеллектуаль бәйгесе узды.

Скопировать ссылку

Хатын-кызлар советы инициативасы белән, ЗАГС бүлеге ярдәмендә оештырылган чарада яшьләр рәсми никахның хокукый һәм психологик яклары турында фикер алышты. Уен форматында узган очрашуда катнашучылар үз белемнәрен сынап кына калмыйча, үз фикерләрен дәлилләп якларга да өйрәнде. Җиңүчеләргә истәлекле бүләкләр тапшырылды.

ТР Министрлар Кабинетының ЗАГС идарәсе башлыгы Эльвира Әхмәтова матбугат конференциясендә ассызыклаганча: «Гаилә атнасы» кысаларында 1 июльдән 10 июльгә кадәр Татарстан Республикасы Министрлар Кабинетының ЗАГС идарәсе һәм республика ЗАГСлары шәһәр һәм район администрацияләре белән берлектә Гаилә, мәхәббәт һәм тугрылык көненә багышланган 700дән артык чара үткәреләчәк.
Болар - 120 данә «Мәхәббәт һәм тугрылык өчен» медальләре тапшыру, гаилә тормышы юбилярларын хөрмәтләү, Гаилә, мәхәббәт һәм тугрылык көненә багышланган бәйрәм концертлары, балалар һәм өлкәннәр өчен мастер-класслар, туй фотографияләре, гаилә тематикасына әдәби укулар, никахларны теркәү һәм исем кушу тантаналары».

Кызыклы яңалыкларны күзәтеп бару өчен безнең МАХ каналына кушылыгыз.

#Гаилә һәм мәхәббәт көне

‹ ›