#Кыскача яңалыклар 10 июль 2026, 16:24

«Булгария» теплоходы фаҗигасенә – 15 ел: Татарстан 122 корбанны искә ала

10 июль 2026, 16:24

Бүген, 10 июльдә, Татарстан тарихындагы иң зур елга фаҗигаләренең берсе – «Булгария» теплоходы һәлакәтенә 15 ел тулды.

Скопировать ссылку

2011 елның 10 июлендә Куйбышев сусаклагычы акваториясендә ике палубалы «Булгария» дизель-электроходы батып китте. Фаҗига 122 кешенең гомерен өзде. Алар арасында балалар, гаиләләр, ялдан кайтып килүчеләр дә бар иде.

Бу вакыйга бөтен илне тетрәндерде. Һәлак булучылар истәлегенә 2011 елның 12 июле Россиядә Милли матәм көне дип игълан ителде.

«Булгария» фаҗигасе Татарстан халкы күңелендә тирән эз калдырды. 15 ел узса да, ул көннәрнең ачысы сүрелми. Күп гаиләләр якыннарын югалтты, күп балалар әти-әнисез, әти-әниләр баласыз калды.

Бүген Татарстанда һәм илнең төрле почмакларында һәлак булучыларны искә алалар, алар рухына дога кылалар, истәлек урыннарына чәчәкләр куялар.

«Булгария» фаҗигасе елга транспортында иминлек таләпләренең никадәр мөһим булуын тагын бер кат искәрткән кайгылы сабак булып тарихка кереп калды. Һәлак булганнарның якты истәлеге күңелләрдә мәңге сакланыр.

Кызыклы яңалыкларны күзәтеп бару өчен безнең МАХ каналына кушылыгыз.