«Дәүләт хезмәтләре» ндә хәзер күпфатирлы йортта интернет белән проблемалар турында мөрәҗәгать итәргә мөмкин

Ведомствода сөйләүләренчә, кире элемтә платформасындагы форма аша кулланучылар мөрәҗәгать юллый һәм раслаучы документларны беркетә ала, шул исәптән гаризаларны һәм идарәче оешмалар белән язышуны да кертергә була. Тикшерүдән соң материаллар прокуратурага тапшырылачак.

Шикаятьләрне карау вакыты 30 көнгә кадәр җитә. Эшкәртү статусын шәхси кабинетта яисә электрон почта аша алырга мөмкин.

Интернет-провайдерларның күпфатирлы йортларга тоткарлыксыз керү турындагы канун 2024 елның апрелендә үз көченә керде. Шуңа да карамастан, проблемалар саклана, ди цифрлар министрлыгы белгечләре. Һәрбер мөрәҗәгать билгеләнгән тәртиптә бәяләнәчәк, чаралар турында карарны прокуратура кабул итә.