#Кыскача яңалыклар 21 май 2026, 10:45

Эсселек чигенә: Татарстанга салкынча антициклон килә

21 май 2026, 10:45

Бүген, 21 майда, Татарстан территориясендә һава торышы бераз үзгәрәчәк — республикага салкынрак антициклон йогынтысы килә башлый.

Скопировать ссылку

Шуның аркасында соңгы көннәрдәге эсселек өлешчә кимиячәк.

Синоптиклар фаразлавынча, бүген алмашынучан болытлар күзәтеләчәк, әмма кичәдән аермалы буларак, сизелерлек явым-төшем көтелми.

Төньяк-көнчыгыштан искән җил дә бераз тынычлана: аның тизлеге 4–9 м/с тәшкил итәчәк, урыны белән 13 м/с ка кадәр генә көчәергә мөмкин. Казан шәһәрендә җилнең максималь тизлеге 12 м/с тирәсе булачак.

Төнлә һава температурасы +15 градустан артмаячак. Көндез исә республика буенча +22…+27 градус җылы көтелә. Казанда термометр баганалары +24…+26 градуска кадәр күтәреләчәк.

Синоптиклар билгеләвенчә, һава торышындагы мондый үзгәрешләр май ахыры өчен гадәти күренеш булып тора.

Кызыклы яңалыкларны күзәтеп бару өчен безнең МАХ каналына кушылыгыз.