Яллар ОРВИ һәм гриппны тоткарлый

Татарстанда 2026 елның беренче атнасында грипп һәм ОРВИ белән авыручылар саны 37 процентка кимегән.  Барлыгы бу чорда 17 мең авыру очрагы теркәлгән, дип хәбәр итә Роспотребнадзорның Татарстан буенча идарәсе.

Авыручыларның кимүе барлык яшь төркемнәрендә дә күзәтелә. Грипп өлеше 78 процент тәшкил итә (841 очрак), H3N2 гриппы (Гонконг гриппы) өстенлек итә. 

Роспотребнадзор шәхси гигиена кагыйдәләрен үтәргә, кулларны дезинфекцияләү чаралары белән эшкәртергә, җәмәгать урыннарында медицина битлекләрен кулланырга киңәш итә. Шулай ук  җәмәгать урыннарында булу вакытын киметергә киңәш ителә. Авыруның беренче симптомнары барлыкка килү очрагында,  табиб чакыртырга кирәк, үзлектән дәвалану белән шөгыльләнергә ярамый.