#Кыскача яңалыклар 09 июль 2026, 10:02

Яман шеш очраклары икеләтә диярлек артырга мөмкин

09 июль 2026, 10:02

Әгәр ашыгыч чаралар күрелмәсә, дөньяда ел саен теркәлә торган яңа яман шеш очраклары саны 35 миллионга җитәргә мөмкин (2024 елда – 20,6 миллион).

Скопировать ссылку

Бу хакта Бөтендөнья сәламәтлек саклау оешмасы хәбәр итә.

2050 елга планета халкының 92 проценты шәхсән үзе яки якыннары аша яман шеш чире белән очрашачак. Диагностика һәм дәвалау өлкәсендә дә төрле илләрдә вазгыять нык аерылуы да борчу уята. Мисал өчен, күкрәк яман шешеннән исән калу дәрәҗәсе бай илләрдә 85 процент булса, фәкыйрь илләрдә бу күрсәткеч якынча 40 процент кына тәшкил итә.

«Яман шеш – ул һәрберебезгә диярлек кагылучы авыру. Никадәр аяныч булса да, кешенең исән калуы беркайчан да аның кайда тууына яки кеременә бәйле булырга тиеш түгел», – ди Бөтендөнья сәламәтлек саклау оешмасы генераль директоры Тедрос Адханом Гебрейесус.

Яман шеш авыруының төп куркыныч факторларына килгәндә, алар кими бара: аерым алганда, тәмәке, сигара һәм трубка тартучылар саны 2010 ел белән чагыштырганда 27 процентка кимегән. Шулай ук белгечләр алкоголь куллануга кагылышлы кечкенә генә алгарышны да билгеләп үттеләр: дөньяда, аеруча яшьләр арасында, спиртлы эчемлекләрне 15 ел элеккегә караганда күпкә азрак эчәләр. Бер үк вакытта, симерү һәм аз хәрәкәтле тормыш рәвеше аркасында яман шеш белән авыручылар саны артуы дәвам итә.

Кызыклы яңалыкларны күзәтеп бару өчен безнең МАХ каналына кушылыгыз.