Ятимнәргә 450 торак бирелгән

Узган 2025 елда «Ятимнәрне һәм ата-ана каравыннан мәхрүм калган балаларны торак белән тәэмин итү» программасында катнашучылар дәүләт хисабына 450 бер бүлмәле фатир алган. Бу "Тормыш өчен инфраструктура" илкүләм проектының төп бурычларының берсен – гражданнарыбызның торак белән тәэмин ителешен арттыруны үтәргә мөмкинлек бирде.

Ятим балаларга яшәү өчен тулысынча әзер булган төзекләндерелгән торак ТР Рәисе каршындагы Дәүләт торак фонды инвестицияләре хисабына төзелгән йортларда бирелгән. Барлык фатирлар да төзек, сантехника, электр яки газ плитәләре, янгын сигнализациясе датчиклары, су, газ, электр энергиясен исәпкә алу җиһазлары белән җиһазландырылган.

2013 елдан башлап ТР Рәисе каршындагы Дәүләт торак фонды «Ятимнәрне һәм ата-ана каравыннан мәхрүм калган балаларны торак белән тәэмин итү» программасын үтәү кысаларында ятимнәргә 5796 фатир тапшырган.