КАИ студентларына тәкъдим: пилотсыз гаскәрләрдә контракт — укуны өзмичә һәм миллионнар белән

Бу хакта контракт буенча хезмәткә сайлап алу пункты офицеры Егор Горячев хәбәр иткән.

Аның сүзләренчә, республикада студентларны көндезге һәм читтән торып уку бүлекләренә актив җәлеп итү бара. Төп үзенчәлек — контракт буенча бер ел хезмәт итү мәҗбүри сроглы хезмәтне алыштыра ала. Шул ук вакытта студентлар пилотсыз системалар белән идарә итү буенча заманча күнекмәләр алачак.

Контракт төзегән студентлар дистанцион уку форматына күчереләчәк, уку елы югалмаячак, өстәвенә, уку өчен түләү дә алынмаячак. Хезмәт тәмамлангач, аларны бюджет бүлегенә күчерү мөмкинлеге каралган.

Моннан тыш, 2026 ел башыннан Татарстанда контракт төзүчеләр өчен түләүләр 2,9 миллион сумга кадәр арттырылган. Бу — ил күләмендә иң югары күрсәткечләрнең берсе.

Пилотсыз системалар гаскәрләрендә хезмәт итүчеләр төрле техника — һава, җир һәм су өстендә хәрәкәт итүче дроннар белән идарә итәчәк. Алар арасында киң танылган «Герань» һәм «Странник» системалары да бар.

Контрактның минималь вакыты — бер ел, һәм ул автомат рәвештә озайтылмый. Хезмәт итүчеләрне башка гаскәрләргә күчермиләр, ә әзерлек курслары Татарстанга якын төбәкләрдә үтәчәк.

Белгечләр билгеләп үткәнчә, компьютер уеннары белән кызыксынучыларга бу өлкәгә керү җиңелрәк — аларның реакциясе һәм кул моторикасы яхшырак үсеш алган була.

Контракт төзергә теләүчеләр өчен 117 номерлы кайнар линия эшли (өстәмә «4» төймәсен сайларга кирәк). Шулай ук тулырак мәгълүматны махсус сайтта һәм Казандагы сайлап алу пунктында алырга мөмкин.