Мунча-мичкә алмакчы булып, 150 мең сумыннан колак каккан

Ул сайтларның берсендә үзенә кирәкле модельне табып, «сатучы» белән элемтәгә кергән. Аңа махсус түләү коды җибәргәннәр, һәм ир-ат шул код аша якынча 150 мең сум акча күчергән.

Акча түләнгәннән соң, мунчаны китерүче дә табылмаган, ә сатучы бөтенләй элемтәгә чыгудан туктаган. Шул чакта гына казанлы алданганын аңлап, полициягә мөрәҗәгать иткән.

Тикшерү барышында сайтның ялган булуы ачыкланган. Әлеге факт буенча җинаять эше кузгатылган.

Белгечләр искәртә: интернетта кыйммәтле товар сатып алганда сайтның ышанычлылыгын тикшерү, алдан түләүдән саклану һәм шикле сылтамаларга кермәү мөһим.

Билгеле булганча, «Яшәү өчен инфраструктура» илкүләм проекты гамәлгә ашырыла.