«Россия паспортын алганнар, әмма качып йөргәннәр»: Казанда 6 кешене военкоматка алып киткәннәр

Бу хакта Россия Тикшерү комитетының 384 нче хәрби тикшерү бүлеге хәбәр иткән.

«Татар-информ» мәгълүматларына караганда, хокук саклау органнары төзелеш объектларында тикшерү уздырган. Барлыгы 31 кеше тикшерелгән, шулар арасында хәрби исәпкә басмаган һәм армия хезмәтеннән качкан 6 кеше ачыкланган.

Хокук бозучыларны шунда ук хәрби комиссариатка алып киткәннәр.

Тикшерү комитетында искәртүләренчә, хәрби хезмәттән качкан өчен җитди җаваплылык каралган. Канун буенча, моның өчен: 200 мең сумга кадәр штраф, 18 айлык хезмәт хакы күләмендә штраф, 2 елга кадәр иректән мәхрүм итү, мәҗбүри эшләр, яки 6 айга кадәр кулга алу җәзасы яный.

Ведомствода белдерүләренчә, мондый рейдлар алга таба да дәвам итәчәк.