#Кыскача яңалыклар 09 ноябрь 2026, 12:45

Россиядә каен серкәсенә аллергиядән вакцина кулланыла башлаган

09 ноябрь 2026, 12:45

Россиядә каен серкәсенә аллергияне дәвалау өчен «Аллергард» вакцинасы кулланыла башлаган. Бу хакта РФ вице-премьеры Татьяна Голикова хәбәр итте.

Скопировать ссылку

Аның сүзләренчә, препарат теркәлгән һәм 2026 елдан кулланыла. Киләсе елда исә мәҗбүри медицина иминияте (ММИ) системасы кысаларында тагын ике индивидуаль препарат сатып алу планлаштырыла. Аларны Россия гражданнары өчен дәвалауда куллану мөмкинлеге булачак.

Голикова бу хакта «Курчатов институты» фәнни-тикшеренү үзәгендә узган IV Халыкара табигатькә охшаш технологияләр форумында сөйләгән.

«Аллергард» рекомбинант вакцинасы каен серкәсенә аллергияне һәм аның белән бәйле аркылы азык аллергиясен профилактикалау һәм дәвалау өчен эшләнгән. Препаратны Россия Федераль медицина-биология агентлыгының Аллергология һәм иммунология институты белгечләре әзерләгән.

Элегрәк ФМБА башлыгы Вероника Скворцова вакцина югары куркынычсызлык һәм яхшы үзләштерелү күрсәткечләренә ия булуын белдергән иде.

Кызыклы яңалыкларны күзәтеп бару өчен безнең МАХ каналына кушылыгыз.