#Кыскача яңалыклар 20 апрель 2026, 13:03

Россиялеләрне май башында кыска эш атнасы көтә

20 апрель 2026, 13:03

Май башында россиялеләрне Яз һәм хезмәт көнен бәйрәм итүгә бәйле рәвештә кыскартылган эш атнасы көтә, дип хәбәр итә РИА Новостига РУДН юридик институты доценты Петр Петкилев.

Скопировать ссылку

"Яз һәм Хезмәт бәйрәмен 1 майда билгеләп үтәләр. Бу дата рәсми рәвештә Хезмәт кодексының 112 маддәсендә эшләми торган бәйрәм көне буларак беркетелгән. 2026 елда ял көне җомгага туры килә, димәк, җомга ял көне булачак. Шулай итеп, дүрт эш көне һәм өч ял көне көтелә", - дигән Петкилев.

Эксперт ачыклык керткәнчә, календарь айда эшләми торган бәйрәм көннәре булу оклад алучы хезмәткәрләрнең хезмәт хакын киметү өчен нигез булып тормый.

Моңа кадәр февраль ахырында, Ватанны саклаучылар көнен бәйрәм итү дүшәмбегә туры килгән вакытта, шулай ук мартта, илдә Халыкара хатын-кызлар көнен билгеләп үткәндә дүрт көнлек эш атнасы булган иде.

Кызыклы яңалыкларны күзәтеп бару өчен безнең МАХ каналына кушылыгыз.