Синоптик Татарстанга әбиләр чуагы кайчан киләчәге турында сөйләде

Бу хакта «Татар-информ» га «Метео» фаразлау үзәге җитәкчесе Александр Шувалов хәбәр иткән.

"Ай башыннан, һава торышының беренче начараюын көтмичә диярлек, әбиләр чуагы урнашачак. Беренче декада коры һәм җылы, температура +20 градустан югары булачак. Ай буена температура нормага якын һәм явым-төшем кытлыгы булганда нормадан бераз югарырак булыр дип көтелә. Әмма монда бернинди куркыныч та юк, август явым-төшем нормасын арттырып үтәде бит", - дип сөйләгән ул.

Шувалов мәгълүматлары буенча, тулаем сентябрь «температура буенча бик үк аерылып тормаячак». Һәм, мөгаен, ул явым-төшемгә бай булмаячак.