#Кыскача яңалыклар 29 гыйнвар 2025, 14:05

Суд приставлары мәктәпкә һөҗүм иткән Галәвиевтән 23 млн сум түләтә башлаган

29 гыйнвар 2025, 14:05

Суд приставлары хезмәте Казан мәктәбенә һөҗүм итеп, кешеләрне үтергәне өчен гомерлеккә ирегеннән мәхрүм ителгән Илназ Галәвиевтән 23 миллион сум түләтү буенча эш алып бара башлады.

Скопировать ссылку

Бу хакта РИА Новости суд документларына һәм приставлар мәгълүматларына сылтама белән хәбәр итә.
Галәвиевка карата 11 башкарма производство алынган. Аннан мораль зыян өчен 20 миллион сумнан артык түләтәчәкләр. Моннан тыш, 1,6 миллион сум - башкарма җыемнар, 1,4 миллионнан артыгы - милек характерындагы башка түләтүләр.

Шулай итеп, Галәвиевнең гомуми бурычы 23 миллион 171 мең 956 сум тәшкил итә.

Исегезгә төшерәбез, 2021 елның 11 маенда Илназ Галәвиев Казанның 175нче гимназиясенә ау карабины белән коралланып килгән иде. Ул кулдан ясалган шартлаткыч җайланманы шартлаткан һәм кешеләрне атып үтергән.

Ике елга якын тикшерү барганнан соң суд Галәвиевне гомерлек төрмәгә хөкем итте. Ул Соль-Илецктагы 6нчы колониядә (күбрәк "Кара Дельфин" буларак билгеле) утыра.

Кызыклы яңалыкларны күзәтеп бару өчен Т елеграмга кушылыгыз.