Тагын бер якташыбыз Этери Тутберидзе төркеменә күчкән

Динә Зәй районының Аксар авылында туган, күпмедер вакыт Зәйдә яшәгән, анда “Яшьлек” спорт мәктәбендә шөгыльләнгән. Аннары Казанга күченгән. Хөснетдинова "Стрела" спорт мәктәбендә шөгыльләнә. Остазлары – Надежда Заякина һәм Алия Хәлфина. Ультра-си элементларыннан Хөснетдинова ярышларда өчле аксель башкара. 
2024 елда Магнитогорскта юниорлар арасында узган Россия Гран-при этабында Динә бронза медаль яулаган. Күнегүләрдә спортчы дүртле тулуп һәм дүртле риттбергер башкара. Динә уникаль әйләнүләре белән дә аерылып тора, дип яза “Чемпионат”.