Татарстанда 23 июльдә көчле яңгыр һәм җил көтелә

23 июль көнне Татарстан территориясендә төнлә һәм көндез урыны белән көчле яңгыр, яшен һәм җилнең көчәюе көтелә.

Гадәттән тыш хәлләр министрлыгы начар һава торышы вакытында куркынычсызлык чараларын үтәргә киңәш итә. Урамда булганда агачлар, реклама конструкцияләре һәм начар ныгытылган корылмалар яныннан ерак йөрергә кирәк. Шулай ук мондый урыннарга автомобильләр куймаска киңәш ителә.

Торак һәм башка объектлар янында электр чыбыклары өзелгән очракта, аларга якын килергә ярамый. Электр линияләре һәм башка электр корылмалары тирәсендә аеруча сак булырга кирәк.

Гражданнардан һава торышы начарайган вакытта игътибарлы булу һәм мөмкин булган куркынычларны булдырмау өчен саклык чараларын күрү сорала.

Ашыгыч хәлләр килеп чыккан очракта 112 бердәм коткару хезмәте номерына шалтыратырга кирәк.