#Кыскача яңалыклар 02 сентябрь 2026, 10:00

Татарстанда 3 миллион тоннадан артык бөртекле культуралар җыелган

02 сентябрь 2026, 10:00

Татарстанда урып-җыю кампаниясе актив дәвам итә. Бүгенге көнгә республикада бөртекле культуралар уңышының 78 проценты җыеп алынган.

Скопировать ссылку

Авыл хуҗалыгы предприятиеләре 861 мең гектар мәйданны суктырган, нәтиҗәдә 3 миллион тоннадан артык бөртекле культуралар җыелган. Республика буенча уртача уңдырышлылык гектарыннан 35,3 центнер тәшкил итә.

Урып-җыю эшләренә республикада барлыгы 3100 ашлык җыю комбайны җәлеп ителгән. Техника кырларда эшне дәвам итә.

Бөртекле культураларның иң югары уңдырышлылыгы берничә муниципаль районда теркәлгән. Аксубай, Әтнә, Балтач, Кукмара, Мамадыш, Минзәлә һәм Тәтеш районнарында уңдырышлылык гектарыннан 40 центнердан артып китә.

Урып-җыю кампаниясен тиз арада тәмамлау һәм уңышны югалтуларсыз җыеп алу өчен республика кырларында авыл хуҗалыгы техникасы эшен дәвам итә.

Кызыклы яңалыкларны күзәтеп бару өчен безнең МАХ каналына кушылыгыз.