#Кыскача яңалыклар 07 июль 2026, 18:28

Татарстанда юл кагыйдәләрен иң еш бозучы компанияләр антирейтингы төзелде

07 июль 2026, 18:28

Татарстанда 2026 елның беренче яртыеллыгында юл хәрәкәте кагыйдәләрен иң күп бозган компанияләрнең антирейтингы игълан ителде.

Скопировать ссылку

Аны Татарстан Хөкүмәтенең юл хәрәкәте иминлеген тәэмин итү комиссиясе төзегән.

Антирейтингның беренче урынында – «РТХ лабораториясе». Әлеге компания йөртүчеләре ярты ел эчендә 500 тапкыр юл хәрәкәте кагыйдәләрен бозган.

Икенче урында – «Строй Снаб Альянс» (492 хокук бозу), өченче урында – Чаллының «Райз» компаниясе (359 очрак).

Исемлекнең беренче бишлегенә шулай ук: «ПСО Казан» – 317 хокук бозу; Әлмәтнең «НЕФТЕСТРОЙЭНЕРГО» компаниясе – 316 хокук бозу кергән.

Антирейтингның тәүге унлыгында шулай ук: «ИТЦ ТКС Поволжье» – 315; «АВП Групп» – 307; Чаллының «Детали машин» – 305; «Стройстиль» – 301; Казанның «ПРОФСНАБ ПК» компаниясе – 295 хокук бозу очрагы белән урын алган.

Барлыгы әлеге ун компания хезмәткәрләре тарафыннан 3,5 меңгә якын юл хәрәкәте кагыйдәсен бозу очрагы теркәлгән.

Татарстан Хөкүмәтенең юл хәрәкәте иминлеге комиссиясендә предприятие җитәкчеләрен хезмәткәрләрнең юлда үз-үзен тотышына контрольне көчәйтергә, даими инструктажлар үткәрергә чакырдылар. Белгечләр искәрткәнчә, юл йөрү кагыйдәләрен үтәмәү административ җаваплылыкка гына түгел, кешеләрнең гомере һәм сәламәтлеге өчен дә җитди куркыныч тудыра.

Кызыклы яңалыкларны күзәтеп бару өчен безнең МАХ каналына кушылыгыз.

#гибдд