Татарстанда мигрантларга кайбер эшләрне башкаруны тыйдылар

Бу тыю агымдагы ел ахырына кадәр гамәлдә булачак. Бу турыдагы указга Татарстан Рәисе Рөстәм Миңнеханов кул куйган.

Чикләүләр түбәндәге өлкәләргә кагыла::

– куркыныч йөкләрне ташу

– җиңел такси һәм машина йөртүче белән арендага алынган җиңел автомобильләр эшчәнлеге

– финанс хезмәтләре (иминият һәм пенсия хезмәтләреннән тыш)

– дәүләтнеке булмаган пенсия фондларын иминләштерү, яңадан иминләштерү һәм аларның эше (мәҗбүри социаль тәэмин итүне кертмичә)

– ярдәмче финанс һәм иминият хезмәтләре

– юридик һәм бухгалтерлык хезмәтләре күрсәтү

– ветеринария

– саклау эшчәнлеге, шәхси саклауны да кертеп

– комарлы уеннар оештыру һәм үткәрү, пари төзү, шулай ук лотереяләр

– компьютер техникасын, шәхси әйберләрне һәм көнкүреш приборларын ремонтлау.