#Кыскача яңалыклар 23 июнь 2025, 16:17

Татарстанның район хастаханәләренә 24 меңнән артык өлкән авыл кешесе китерелгән

23 июнь 2025, 16:17

2025 елның гыйнвар–июнь айларында авыл җирендә яшәүче 24 036 өлкән яшьтәге татарстанлы диспансерлаштыру, вакцинацияләү, скрининг һәм башка медицина процедуралары узу өчен республиканың район хастаханәләренә китерелгән.

Скопировать ссылку

Өлкәннәрне илтеп җиткерү «Гаилә» илкүләм проекты кысаларында, федераль бюджет акчасына сатып алынган махсуслаштырылган автотранспортта башкарыла. Өлкәннәрне халыкка социаль хезмәт күрсәтү комплекслы үзәкләре белгечләре озата бара.

Проект өлкән яшьтәге кешеләрнең тормыш сыйфатын яхшыртуга һәм актив озын гомер өчен шартлар тудыруга юнәлдерелгән. Даими медицина тикшерүләре сәламәтлек белән бәйле проблемаларны иртә стадияләрдә ачыкларга ярдәм итә, бу дәвалауны вакытында башларга һәм җитди катлаулануларны булдырмаска мөмкинлек бирә.

2019 елдан 2024 елга кадәр чаралар белән 327,2 мең татарстанлы колачланган. Агымдагы елда якынча 35 мең кешене медицина хезмәте белән тәэмин итү планлаштырыла. Бүгенге көнгә өлкәннәрне район хастаханәләренә илтү планы 68,6 % үтәлгән.

Кызыклы яңалыкларны күзәтеп бару өчен безнең МАХ каналына кушылыгыз.