Автоинспекторлар мәктәпләр һәм балалар күп йөри торган урыннар янында кагыйдә бозуларны кисәтүгә, балаларны транспортта имин йөртүгә һәм яшь җәяүлеләр белән профилактик эш алып баруга игътибар итәчәк.
Машина йөртүчеләргә аеруча торак зоналарында, мәктәпләр янында һәм аларга керү юлларында тизлекне киметергә киңәш ителә. Баланың юлга көтмәгәндә килеп чыгу ихтималын да истә тотарга кирәк.
Җәяүлеләр кичүләре, җәмәгать транспорты тукталышлары һәм ишегалларыннан чыгу урыннары янында да игътибарны арттыру мөһим.
«Яңа уку елы балаларыбыз өчен шатлыклы, нәтиҗәле һәм, иң мөһиме, имин булсын!» — дип теләде Айрат Сәмигуллин.
- Ата-аналарга да искәртү: балалар белән мәктәпкә бару юлын алдан бергәләп кабатлап чыгу, юлны кайсы урыннардан һәм ничек дөрес кичәргә кирәклеген искә төшерү артык булмас
Кызыклы яңалыкларны күзәтеп бару өчен безнең МАХ каналына кушылыгыз.
Комментарийлар