Хатын-кызлар декрет ялында күпме вакытын үткәрә?

Бу Дәүләт статистикасының Федераль хезмәте тарафыннан үткәрелгән күзәтү мәгълүматларыннан күренә. 

Узган елда хатын-кызларның бала карау буенча ял вакыты уртача 24,9 ай (ике ел һәм бер ай) тәшкил иткән. Бу 2011 елдан башлап минималь күрсәткеч. Ул чакта декрет ялы уртача 18,4 ай булган.

2022 елда, алдагы шундый ук тикшеренү үткәрелгән вакытта, хатын-кызлар декрет ялында шактый озаграк – 28,5 ай утырган. Тикшеренү 60 мең йорт хуҗалыгын колачлаган. Ул Россиянең барлык субъектларында яшәүче халыкның төрле төркем һәм катлау вәкилләреннән сораштыруга нигезләнгән.

Росстат мәгълүматларына караганда, декрет ялында булган хатын-кызларның 75,9 проценты элеккеге эш урынына кире кайткан, калган 24,1 проценты эш урынын алмаштырган. Хатын-кызлар эш урынын алыштыру турындагы карарны еш кына шәхси инициатива буенча кабул итә, алар уңайлырак эш графигы эзли.