#Мәгариф 03 февраль 2015, 04:37

Казанның 9 мәктәбе илнең иң яхшы уку йортлары исемлегенә кергән

03 февраль 2015, 04:37

2013-2014 елларда мәгариф өлкәсендә зур нәтиҗәләр күрсәткән илнең иң яхшы 500 мәктәбе исемлегендә Казанның тугыз уку йорты бар. Бу мәктәпләр - бердәм дәүләт имтиханнары күрсәткечләре, Бөтенроссия мәктәп укучылары олимпиадалары нәтиҗәләре буенча иң алдынгы рәтләрдә торучылар.

Скопировать ссылку

Казанның 9 мәктәбе илнең иң яхшы уку йортлары исемлегенә кергән

Исемлектә Казанның КФУ каршындагы Лобачевский исемендәге лицее, 2нче лицей-интернат, 122нче, 7нче, 19нчы гимназияләр, 18нче, 39нчы, 72нче чит телләрне тирәнтен өйрәтүче мәктәпләр бар. Ә менә 131нче лицей Россиянең иң яхшы 25 мәктәбе исемлегенә кергән.

Мәскәүнең өзлексез математик белем алу үзәге белдергәнчә, әлеге исемлекләр лидер мәктәпләрне ачыкларга ярдәм итә. Соңыннан исә, бу мәктәпләр бер-берсе белән тәҗрибә уртаклашу мәйданчыгы булып торачак.

Иң яхшы мәктәпләр исемлегенә Татарстан буенча барлыгы 17 уку йорты кергән.

^{Фото: prm.ru}

Кызыклы яңалыкларны күзәтеп бару өчен Т елеграмга кушылыгыз.

#250