Җәйге инфекцияләрдән ничек сакланырга?

Эчәк инфекцияләре (сальмонеллез, ротавирус, аденовирус, энтеровирус, дизентерия) 

Зарарлану юлы: пычрак су һәм азык-төлек, пычрак сулыкларда коену, гигиена кагыйдәләрен үтәмәү. Профилактика: урамда булганнан соң, бәдрәфкә барганнан соң, ашар алдыннан кулларны сабын белән юарга; чиста сулыкларда гына коенырга; яшелчә һәм җиләк-җимешләрне яхшылап юарга.

Талпан инфекцияләре (энцефалит, боррелиоз)

Йоктыру юлы: урманда, паркларда, бакчада талпан кадалуы. Профилактика: репеллентлар куллану, тәнне каплаган кием кию, талпан ияртү куркынычы булган җирләрдән кайткач, киемне, тәнне карау. 

Респиратор вирус инфекцияләре (ОРВИ, грипп, кызамык, кызылча, ветрянка) Йоктыру юлы: һава-тамчы юлы, уртак гигиена предметлары, балалар уенчыклары. Профилактика: авырулар белән аралашмаска, баланы гигиенага өйрәтергә, бүлмәләрне җилләтергә, прививкалар календарен үтәргә. 

Бөер синдромлы геморрагик бизгәк (тычкан бизгәге). Йоктыру ысулы: кимерүчеләр экскрементлары белән контакт, зарарланган тузанның сулыш юлларына үтеп керүе. Профилактика: кимерүчеләр белән элемтәгә кермәскә, бүлмәләрне җентекләп җыештырырга, җыештырганда саклык чараларын кулланырга, азык-төлекне кимерүчеләр үтеп керә торган урында сакламаска. 

Су аша йога торган инфекцияләр (легионеллез, криптоспоридиоз). Йогу ысулы: пычранган сулыкларда һәм начар дезинфекцияләнгән бассейннарда коену. Профилактика: рөхсәт ителгән урыннарда коенырга, авызга һәм күзгә су кертмәскә, коенганнан соң яхшылап юынырга.