Марат Фәйрушин: "Өч эштә эшлим"

“Беркая да югалмадым. Түбән Кама шәһәрендә яшим. Берьюлы өч эштә хезмәт куям: “Илһам” җыр-бию ансамблендә - солист, төсле металл эшкәртү базасында һәм төзелеш оешмасында эшлим”, - ди җырчы.

Хәзерге вакытта Марат яңа җырлар яздыру, репетуар баету белән дә мәшгуль. “Көз көне яңа программа белән гастрольләргә чыгарга исәп”, - ди ул.

Шуны да әйтергә кирәк, бу көннәрдә Марат Фәйрушин туган көнен билгеләп үтте. “Туган көнне туганнар, дуслар белән үткәрдем. 20ләп кеше җыелды. Бик күңелле утырдык”, - диде Марат. Соң булса да, уң булсын, Маратны чын күңелдән котлыйбыз, иҗади уңышлар телибез!