Зөлфәт Хәким: «Мине гел хәлле, әукатле кеше дип уйлыйлар»

- Популяр җырлар авторы. Күренекле дрмматург. Повестьлар, романнар авторы. Сәхнәдән төшми торган юморескалар авторы. Һәм менә шуларның барысы да: «Зөлфәт Хәким - татар әдәбиятында иң бай язучыдыр», - дигән тәэсир калдыра.
- Чынлап та, мине гел хәлле, әукатле кеше дип уйлыйлар. Драматургия миңа әллә ни зур керемнәр китерми. Җырларым да сайланма аудитория өчен генә. Алар белән генә мин шулай ук тамагымны туйдыра алмыйм. Проза мәсьәләсендә, гонорарларның ничек аз түләнгәнен инде үзегез дә беләсез. Ләкин минем бернинди матди байлыкка сатып алып булмый торган үз байлыгым бар. Ул минем эчке дөньям, үземнең хәтерем, яшәү мохитем, иҗатым, дөньяга карашым. Менә шул минем байлыгым. Ул минем яшәвемнең мәгънәсе дә, яшәвемнең яме дә, яшәвемнең тәме дә. Ә бай кеше булып күренүемнең төп сәбәбе - ул минем ирекле кеше булуым. (Әлбәттә, абсолют ирекле кеше булалмый, әмма иреккә омтылу - үзе үк иркенлек.) Ә ирекле кеше ул һәрвакыт бай булып күренә.

Әңгәмәмне тулысы белән алдагы көннәрдә "Шәһри Казан" сайтыннан укый алырсыз