Җенес әгъзасының размеры. Ирләрне ниләр борчый?

Пеләш калу
Пеләш калу – ирләрнең иң зур борчуларыдыр, мөгаен. Аеруча 30 яшькә кадәрге ир-атлар чәчсез калып, карт булып күренергә курка. Пеләш калуга каршы тору өчен күп төрле алымнар бар. Әгәр дә килеп чыкмый икән, белеп тор: хатын-кызларның күбесе пеләш башлы ирләрне бик сексуаль, дип саный.

Җенес әгъзасының размеры
Җәмгыятьтә сексның яхшы булуы нәкъ менә шушы фактордан тора дигән стеориотип яши. Аеруча хатын-кызлар аның белән манипуляцион рәвештә кулланып, партнерларын рәнҗетергә ярата. Ә ир еллар буе шул рәнҗешен күңелендә тота. Иң мөһиме: хатын-кызның теләкләренә колак салырга, аны мавыктырырга һәм секста актив булырга.

Уртача карьера
Яшь вакытта күбебез миллионер, бизнесмен, начальник булырга тели. Ә тормышта, гадәттә, без уйлаганча килеп чыкмый. Ир-кеше башкаларның уңышларын күреп, төшенкелеккә бирелә. Үзеңне башкалар белән чагыштырудан баш тарт! Башкаларның тормышларын тикшерер урынга, үзеңнекенә үзгәрешләр кертергә омтыл. Һәркемнең үз бәхете, уңышы. Кайвакыт бәхетле булыр өчен гаилә, иминлек җитә. Җәмгыять “таккан” стериотипларга буйсыну мәҗбүри түгел.

Потенция һәм эрекция
Ирләрдә еш очрый торган проблема – эрекция ныклыгы һәм потенция. Әмма моны проблема дип әйтергә ашыкма. Синең арырга хакың бар. Эрекцияне озынайту методлары да күп. Мәсәлән, Кегель хәрәкәте, дөрес туклану, витаминнар комплексы, начар гадәтләрдән арыну һәм спорт.  

Күз астындагы “капчыклар”
Әйе, күгәргән күз төпләре шунда ук ун елга картайта. Моңа каршы тору өчен кояштан саклый торган кремнар кулланырга, йокы туйдырырга һәм дөрес яшәү рәвешен алып барырга тәкъдим итәбез. Әгәр дә бөтенләйгә күз төбендәге “капчыклардан” арынырга теләсәгез, блефаропластика дигән косметик операция ясатып була.

Ямьсез, сексуаль булмаган тышкы кыяфәт
Интернет һәм трендлар заманында модель кыяфәте нормаль күренеш кебек. Шуңа ирләрнең күбесе үз тышкы кыяфәтләре турында борчыла. Бездән сезгә шул киңәш: иң шәп матурлык салоны – ул спорт залы һәм дөрес яшәү рәвеше.

Һәм азактан шуны дә әйтәсе килә: борчылу, курку, оялу – нормаль күренеш. Әмма шул борчылулардан арыну – иң зур җиңү.

Мансур Фатыйхов әзерләде

Фото: https://www.freepik.com