«Мин әле дә аның юклыгына ышана алмыйм»: Илүзә Сабирова әтисе турында истәлекләре белән уртаклашты
«Тиздән аңа видео аша шалтыратырмын кебек тоела...» Илүзә Сабирова әтисен югалтканнан соң кичергән хисләре белән уртаклашты.
«Тиздән аңа видео аша шалтыратырмын кебек тоела...» Илүзә Сабирова әтисен югалтканнан соң кичергән хисләре белән уртаклашты.
Аның сүзләренчә, әтисе аны һәрвакыт иң яхшысы булырга өндәгән, иҗатка мәхәббәт тәрбияләгән һәм тормыштагы иң зур терәге булган.
Илүзә Сабирова, кызы:
– Сүзләр табу бик авыр. Әтием бу мәкаләне үзе ачып укыр төсле тоела, шуңа хаталы язарга да куркып торам. Рус теле дәфтәрендә сүзләрне бутап язсам, әтинең аларны сызып куюы әле дә истә. Шул вакыттан ук ул безне эшне җиренә җиткереп башкарырга, иң яхшы булырга омтылырга өйрәтте. Әтием мәктәпне дә, университетны да кызыл дипломга тәмамлаган. Без аннан ким була алмадык. Мин дә аның ярдәме белән бишлегә генә укыдым. Гимназияне алтын медальгә тәмамладым. Әлбәттә, мин аның принцессасы идем. Беренче кыз бала, беренче онык. Әтием һәрвакыт матур күлмәкләр алып торды. Аның белән бәйле хатирәләр хисапсыз күп: ул мине йөзәргә һәм балык тотарга өйрәтте. Кичләрен бергә биатлон һәм хоккей карадык. Журналистика, иҗатка гашыйк иткән кешем дә – әти иде.
Гадәттә, сеңлем Галияне әтигә охшагач, «әти кызы» дип йөртәләр. Ләкин холкы буенча мин аның копиясе идем. Сабырлык, тыйнаклык, җаваплылык – аның бу сыйфатлары миңа да күчте. Әти кебек мин дә кызыксынучан идем. Балачакта: “Күк нигә зәңгәр?” – кебек сораулар белән тәмам әтинең “башын ашадым”. «Башны катырма әле, кызым», – дисә дә, сорауларны беркайчан җавапсыз калдырмады.
Әтинең никадәр көчле һәм гаҗәеп кеше икәнен үскәч кенә аңладым.
Ул безнең уңышларга сөенеп яшәде. Нәкъ менә аның мактау сүзе минем өчен иң көтеп алынганнары иде. Мин әле дә аның юклыгына ышана алмыйм. Ике тәүлек күзгә йокы керми. Тиздән аңа видео аша шалтыратырмын, зачетны ничек тапшырганымны сөйләрмен, иртәгәге планнарымны тасвирлармын кебек тоела. Ышана алмыйм, елый алмыйм, кайгыра алмыйм һәм бу – куркыта. Хәтта бераз оялам да. Мәскәүдә ялгыз калгач, күңелдәге бушлыкны ничек ялгарга? Белмим.
Кызыклы яңалыкларны күзәтеп бару өчен безнең МАХ каналына кушылыгыз.
Вход на сайт
Язмага реакция белдерегез
Мөһим
-
#Сәламәтлек
Медблогерга ышанганчы, дипломын тикшер: интернеттагы киңәшләрнең барысы да дөрес түгел
-
#Хикәя
Авыр балачактан бәхетле тормышка: Миңлеҗиһан үз язмышын әнисенең туган авылында тапкан
-
#Кыскача яңалыклар
Татарстанда илкүләм проект буенча светофорларны модернизацияләү эшләре төгәлләнде
-
#Язмыш
Яу кырында өзелгән гомер, яки «Журналист«ның соңгы кадры...
-
#Җәмгыять
Татарстан Тарифлар буенча дәүләт комитетына халыктан 1,1 меңгә якын мөрәҗәгать килгән
Комментарийлар
0
0
Сезне бик яратты инде ул куренеп тора иде
0
0
1
0
Бары тик сабырлык хэм туземлек телим Бик авыр хэл
0
0
1
0
Илүзә! Аллаһ сиңа Үзе ярдәмче булсын! Бушлыкны тутырырга, күңелне тынычландырырга Аллаһ ярдәм итсен! Көчле бул! Галиягә терәк бул!
0
0
0
0
Гафу итегез бу сорау эчен сезнен Эниегез кайда, бердэ язмыйсыз анын турында
0
0
0
0
Аллахы собханалла тегале ярдеменнен ташламасын, сезге ничек булсада ,етигез эчен яшерге гомерлер телим, етиегезнен сезнең эчен бик торышкан,сез анын дэвамчылары,,
0
0