Сабантуйдан да яхшырак булды, дип таралышты халык

Ачык һавада халыкны фольклор коллективлар, үзешчән башкаручылар, Саба районында туып-үскән танылган жырчылар матур урам концерты белән каршы алды.

Саба районының  тарихи мирасын, мәдәниятен чагылдырган видеороликлар күрсәтелде. Районда яшәүче төп 5 милләт - татар, рус, удмурт, керәшен, башкорт халкының гореф-гадәтләрен чагылдыручы интерактив мәйданчыклар эшләде. Һөнәр мәйданчыклары, балалар өчен остаханәләре гөрләп торды. Килгән халыкны соңгылары бигрәк тә кызыксындырды. Моннан тыш Сабада житештерелгән азык-төлек, татлы ризыклар, кул эшләнмәләрен, төрле сувенирларны да сатып алырга була иде.

Жыелган халыкны "Сабафест" милли уеннары, "Чабата" биюе буенча мастер-классларда катнашты. Мәйданчыкка килүче кунаклар мичтә пешкән коймак, Саба болыннарында үскән үләннәрдән әзерләнгән шифалы чәй белән сыйлана алды.

Сабалар үткәргән бәйрәм бик тә күңелләргә хуш килде. Чын дөресе дә шул - Сабантуйдан да яхшырак булды, дип таралышты халык.