СССРда талонга ничек яшәгәннәр?

Шул рәвешле илдә талоннар барлыкка килә. Зур булмаган кәгазь кисәге, кешеләрдә курку тудырмас өчен, элеккеге вакыттагы кебек карточка дип түгел, талон дип аталган. Кибеттә аларга ипи, ит, май, шикәр бирәгәннәр. СССРда кешеләр яхшырак яшәргә тиеш кебек булса да, азык-төлек барысына да җитмәгән. Шуңа күрә, барысына да тигез булсын өчен, аларны карточка исәбенә биргәннәр.

Талоннарның фотоларына карасаң, күпләребез елмаеп куячак. Аларны хәзер гади принтерда да ясарга мөмкин, ә ул вакытта андый техника булмаган. Ксерокслар яки башка күчермә ясау аппаратларын ул вакытта КГБда теркәтеп кенә сатып алганнар.

Талоннарга килгәндә, ул вакытта аңа бер айга 200 гр май, 1 кг баллы ризыклар, 15 пачка тәмәке, 2 кг ит һәм аның белән бәйле башка продуктлар, 2 шешә аракы алып булган. Соңгысын, кирәге чыга дип, эчмәүчеләр дә алган. 

Кулыңда талон-карточкалар булу әле ул кирәк продуктларыңны ала аласың дигән сүз түгел. Алар барыбер җитмәгән. Халык чиратны кичен йә төнлә үк алып куйган. Кайвакыт, товар кибеткә китерелмәгәнгә, ул талоннар кесәдә тик яткан. Бер ай үткәч, аларның кирәге дә калмаган.