Шәһри Казан

Дога кылу әдәпләре һәм кабул булуының сәбәпләре

Алмаз хәзрәт Сафинның “Кабул булган дога” китабыннан алынды.

Мөмкинлек булса, дога кылыр алдыннан тәһарәт алу;
Кыйблага юнәлү;
Кулларны күкрәк турысына күтәрү;
Аллаһка карата ихласлы булу;
Аллаһны мактап, Мөхәммәд (с.г.с.)гә салават әйтеп доганы башлау һәм тәмамлау;

Дога кылганда Аллаһның исем-сыйфатларын куллану һәм үзеңнең кылган изге гамәлләреңне искә алу;
Ашаган ризык, эчкән эчемлек һәм кигән кием хәләл булу;
Башка кеше өчен дога кылса, иң әүвәл үзе өчен шул нәрсәне Аллаһтан сорау;
Доганың кабул булуына чын күңелдән ышану;

Реклама

Кат-кат дога кылу һәм кабул булуыннан өметне өзмәү;
 Дога кылганда күңел белән башка нәрсәләр турында уйламау;
 Рәхәт вакытта да һәм авыр чакта да дога кылу;
 Бер Аллаһка гына дога кылу;
 Кычкырмыйча, түбән тавыш белән дога кылу;
 Гөнаһ кылуыңны тану һәм Аллаһ биргән нигъмәтләргә шөкер итү;

Үзеңә авырлык китереп, шигъри рәвештә дога кылмау;
 Аллаһка түбәнчелек күрсәтеп, курку һәм өмет хисе белән дога кылу;
 Сорарга теләгән нәрсәне дога кылганда өчәр тапкыр кабатлау;
 Дога кылганда гөнаһлы нәрсәне, туганнар белән араны өзүне сорамау.
 
Фото: https://pixabay.com/ru/photos/

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: