#Кыскача яңалыклар 20 ноябрь 2020, 09:54

Балалар бакчасы тәрбиячесен эш урынында үтергәннәр

20 ноябрь 2020, 09:54

Башкорстанның Кырмыскалы районындагы балалар бакчасы тәрбиячесен үтерүдә шикләнелү буенча хатын-кызның элеккеге ире тоткарланган.

Скопировать ссылку

Бу хакта Россия Тикшерү комитетының төбәк Тикшерү комитеты сайтында чәршәмбе хәбәр ителде.
Тикшерү мәгълүматлары буенча, 17 ноябрьдә көндез 49 яшьлек ир-ат Иске Кыешкы авылындагы балалар бакчасына килгән, ул вакытта ул исерек булган. Һөҗүм итүче хатын-кызга өч тапкыр пычак белән кадаган.

"Ир-ат качарга тырышып караган, ләкин балалар бакчасы белән бер бинада урнашкан җирле мәктәпнең физкультура укытучысы тарафыннан тоткарланган", - дип билгеләп үтелә ведомствода. Балалар бакчасында тәрбияләнүчеләр үтерү вакытында башка бүлмәләрдә булган.

Тәрбияче алынган яралардан ашыгыч медицина ярдәме машинасында үлгән. Башкортстанның тикшерү органнары кулга алынучыга үтерүдә гаепләү белдергәннәр. Башлангыч мәгълүматлар буенча, төп сәбәп - көнчелек.

Тоткарланучыны кулга алу мәсьәләсе хәл ителә, тикшерү алып барыла.

Кызыклы яңалыкларны күзәтеп бару өчен безнең МАХ каналына кушылыгыз.

#Башкортстан