#Кыскача яңалыклар 04 апрель 2022, 10:58

Казанда Республикакүләм ифтар узачакмы?

04 апрель 2022, 10:58

2022 елның 30 апрелендә Татарстан мөселманнары Казанда күптән көтеп алынган мәҗлескә – 10 Республикакүләм ифтарга җыелачак.

Скопировать ссылку

Быел ул Идел буе Болгар дәүләтендә Ислам дине кабул ителүнең 1100 еллыгы уңаеннан узачак. Республикакүләм ифтар Татарстан мөселманнары Диния нәзарәте, “Ак барс Арена” стадионы дирекциясе һәм “Туган авылым” милли-туристик комплексы тарафыннан оештырыла.

Шунысы үзенчәлекле, түгәрәк сан астында узучы 10 республикакүләм ифтар 10 мең кешене кабул итәчәк. Әлеге чара, алдагы елдагы кебек үк, “Казан ЭКСПО” халыкара күргәзмәләр үзәгендә үткәреләчәк.

Республикакүләм ифтар катнашучыларын гадәттәгечә бай мәдәни программа көтә.
Республикакүләм ифтар кунакларын каршы алу, җәмәгать белән намаз укуны оештыру, ризыкларны өләшү һәм ифтар тәмамланганнан соң җыештыру эшләрен башкару өчен 16 яшьтән алып һәм аннан өлкәнрәк булган 500 волонтер җәлеп ителәчәк. Әлеге зур саваплы хезмәтне башкаручы командага кушылу өчен +7 (843) 237-86-18 телефон номерына шалтыратырга кирәк.

10 Республикакүләм ифтарны оештыру турында тулырак мәгълүматны оештыручылар махсус матбугат конференциясендә сөйләячәк, аның вакыты һәм көне турында өстәмә хәбәр ителәчәк.

Кызыклы яңалыкларны күзәтеп бару өчен безнең МАХ каналына кушылыгыз.

#ифтар #Республикакүләм ифтар