Хатыны белән баласы өстенә бензин сибеп, яндырмакчы булган

Яр Чаллыда яшәүче бер ир-ат баласы белән хатыны өстенә бензин сипкән һәм аларны тереләй яндыру белән янаган. Бу хакта социаль челтәрләр хәбәр итә.
Әлеге хәл кичә 52 нче комплекслы фатирларның берсендә төнлә булган. Урынга коткаручылар, табиблар һәм полиция килгән.
Ирне тоткарлыйлар һәм полиция бүлегенә китерәләр. Килеп чыккан хәлнең шартлары ачыклана.