Сайларга килгән ике кеше изоляцияләнгән. Нәрсә булган?

Сайлау көннәрендә участокларга югары тән температурасы белән килүчеләр ачыкланган.

“Сайлау участокларына килгән барлык кешеләрнең дә тән температурасы тикшерелә. Сайлауларның беренче ике көнендә сайларга килүчеләрнең икесендә температураның югары булуы ачыкланды. Бу күп түгел, әмма андыйлар бар”, - дип белдерде Роспотребнадзор хезмәтенең Татарстан буенча идарәсе җитәкчесе Марина Патяшина.

Аның сүзләренчә, ул кешеләрне изоляцияләү өчен сайлау участокларында барлык шартлар да тудырылган.