#Кыскача яңалыклар 04 августа 2018, 10:04

Сочида ял итүче Татарстан гаиләсе, көчле яңгыр яву сәбәпле, улларын югалткан (ВИДЕО)

04 августа 2018, 10:04

Сочи шәһәрендәге көчле яңгырлар фаҗигале хәлләргә сәбәпче булган. Татарстаннан Лазаревскоега ял итәргә барган ана улы белән шәһәр урамыннан барганда, ливневка люгы ачык калган булып, улы шунда төшеп киткән.

Скопировать ссылку

Ачыргаланып кычкырган, ярдәм сораган ананы төшергән видео интернетта да пәйда булды. Кызганычка каршы, аңа беркем дә ярдәм итә алмаган.

Коткаручылар баланың шәһәр астыннан аккан елгага эләгеп, диңгезгә агып киткәнен ачыклый. Баланың мәетен диңгез буеннан тапканнар.

Сочи мэриясе әлеге гаиләнең кайгысын уртаклаша, аларның яшәү һәм юл чыгымнарын капларга вәгъдә биргән. Хәзер әлеге факт буенча тикшерү эшләре бара.