#Кыскача яңалыклар 14 май 2022, 20:20

Татарның бөек җырчысы вафат...

14 май 2022, 20:20

Кайберәүләр язганча, йөрәге белән проблемалар килеп чыккач, ашыгыч ярдәм чакырылган, әмма өлгермәгәннәр.

Скопировать ссылку

Кайберәүләр язганча, йөрәге белән проблемалар килеп чыккач, ашыгыч ярдәм чакырылган, әмма өлгермәгәннәр.

Кайгылы хәбәр. Бүген кич 75 яшендә татарның танылган җырчысы, РСФСРның халык артисты Ренат Ибраһимов вафат булган. Бу хакта Татмедианың телеграмында хәбәр ителә.

Википедиядән. Ренат Ибраһимов 1947 елның 20 ноябрендә Украина ССРында, Львов шәһәрендә туа. Музыка мәктәбендә домра классында белем ала, кечкенәдән үк классик арияләр һәм җырларны җырлап үсә. Уналты яшеннән үзешчән эстрада оркестрында җырлап йөри. Казан дәүләт консерваториясендә икееллык әзерләү бүлегендә укыганнан соң, вокал бүлегенә укырга керә. М.Җәлил исемендәге татар дәүләт опера һәм балет театрында эшли, эстрадада да чыгышлар ясый. Төрле конкурсларда лауреат исемен ала.

Ренат Ибраһимов Мәскәү шәһәрендә яшәп иҗат эше белән шөгыльләнә. Җырчының исеме төрле чит илләрдә дә билгеле, еш кына ул чыгышлар белән гастрольләргә йөри. Җырлаудан тыш, Ренат Ибраһимов шигырьләр дә яза, җырлар иҗат итә.

Кызыклы яңалыкларны күзәтеп бару өчен безнең МАХ каналына кушылыгыз.