Виталий Агапов: "Вакцина ул кызлар кебек..."

Коронавируска каршы вакцинаның икенчесен ясаттым. Беренчесе дә, икенчесе дә Ходай кушуы буенча тыныч кына узып китте. Халык арасында прививкага карата төрле сөйләшүләр, имеш-мимешләр йөри. Зарары бар дигән булалар, башта булмаса, ахырдан килеп чыга, имеш. Кызлар йөргәндә яхшы була, аннары нигә бозыла дигән кебегрәк бу сөйләшүләр. Мин һәрчак әйтәм: кызлар яшь чакта та, олыгайгач, әби булгач та яхшы. Вакцина да шулай. Чыш-пыш сүзләргә, имеш- мимешләргә ышанырга кирәк түгел. Вакцина ясатып үзеңне сакларга, туганнарыңның иминлеген тәэмин итәргә тырышыйк.