#Кыскача яңалыклар 25 октября 2021, 20:14 Уку өчен 2 минут

Яр Чаллыдагы торак йортта шартлау. Иң мөһиме!!!

25 октября 2021, 20:14

Уку өчен 2 минут

25 октябрь кичендә Яр Чаллыдагы биш катлы торак йорт шартлады. Төрле мәгълүматлар буенча, икедән алып дүрткә кадәр кеше зыян күргән.

Скопировать ссылку

Шартлау дүртенче каттагы фатирларның берсендә килеп чыккан. Гадәттән тыш хәлләр министрлыгында хәбәр итүләренчә, газ шартлаган.
Беренчел мәгълүматлар буенча, алты фатир җимерелгән. Дүртенче һәм бишенче катлар арасындагы түшәмәләргщ зыян килгән.

Өемнәр астыннан өч кешене коткарганнар, шул исәптән 2004 һәм 2010 елларда туган ике баланы да. Алар реанимациядә.

Шартлау нәтиҗәсендә җимерелгән тәрәзәләрдән кыйпылчыклар һәм йортның бетон конструкцияләре берничә дистә метрга чәчелгән. Йорт янында берничә машинага зыян килгән.
Коткаручылар 32 кешене эвакуацияләгән.

Шәһәрдә муниципаль характердагы гадәттән тыш хәл режимын керттеләр.
Тикшерү комитеты җинаять эше кузгаткан.
Гадәттән тыш хәл урынында барлык оператив хезмәтләр вәкилләре эшли.
Татарстан прокуратурасы әлеге һәлакәт буенча тикшерү оештырды.
Гадәттән тыш хәлләр министрлыгы торак йортта газ шартлаганнан соң кайнар линия ачты: (843) 288-45-63.

Кызыклы яңалыкларны күзәтеп бару өчен Вконтактега кушылыгыз.