#Кыскача яңалыклар 29 июнь 2021, 11:04

Вузларга укырга кергәндә, йөз балл җыючылар 100 мең сум стипендия алачак

29 июнь 2021, 11:04

Башкортстанда бердәм дәүләт имтиханнарының йомгаклары 8 июльдә билгеле була.

Скопировать ссылку

Башкортстанда бердәм дәүләт имтиханнарының йомгаклары 8 июльдә билгеле була.

Бүгенгә Башкортстанда дүрт укучы ике һәм аннан күбрәк фәннәрдән 100 балл җыя алган, 89ы эшләрен йөз баллга язган, дип хәбәр итә республика мәгариф һәм фән министрының беренче урынбасары Илдар Мәүлетбердин хөкүмәттә үткән оператив киңәшмәдә.

Башкортстан башлыгы Радий Хәбиров йөз балл алганнар республиканың югары уку йортларына кергән очракта, министрлыкка аларны бүләкләү мәсьәләсен карарга кушкан.

«Сәләтле яшьләрне үзебездә калдырырга кирәк, — дигән республика җитәкчесе. – Матди яктан бүләкләү системасы турында уйлагыз. Бу 100 мең сумнан торучы өстәмә еллык грант булырга мөмкин. Акчаны исәпләрбез, бәлки, күбрәк тә бирербез».
Ул мәсьәләне озакка сузмаска кушты, чөнки илнең башка университетлары шундый абитуриентларны «аулый башлаган».

Фото: http://bashinform.ru

Кызыклы яңалыкларны күзәтеп бару өчен безнең МАХ каналына кушылыгыз.