Дәүләт Думасына Татарстаннан кемнәр китәчәк?

Татарстанда бер мандатлы 6 округтан Дәүләт Думасына 53 кандидат дәгъва кылган. Аларны 10 сәяси партия тәкъдим иткән. Депутатларның нәтиҗәләре мондыйрак:

26 номерлы Идел буе округы: Илья Светославович Вольфсон (62,25 %)

27 номерлы Мәскәү округы: Илдар Ирек улы Гыйльметдинов (70,93%)

28 номерлы Түбән Кама округы: Олег Викторович Морозов (72,45 %)

29 номерлы Яр Чаллы округы: Әлфия Гомәр кызы Когогина (67,28%)

30 номерлы Әлмәт округы: Азат Фердинанд улы Ягафаров (69,77 процент)

31 номерлы Үзәк округ: Марат Габделхәй улы Нуриев (56,93 %).

Федераль дәрәҗәдә карасак, Дума кәнәфие өчен бер урынга 17 кеше дәгъва кылган. Татарстанда иң күп көндәшләр Үзәк округта саналган. Анда ун кеше бер депутатлык мандаты өчен ярышкан.