Өйдән битлексез чыгучыларны төрмәгә утырталар

Мароккода яшәүчеләргә битлек кию мәҗбүри. Кагыйдә бозучыларны җитди җәза көтә – зур күләмдә штраф яки төрмәгә утырту.

«Битлек белән йөрү мәҗбүри. Югыйсә 2.20.292 нче закон буенча җавапка тарту каралган. Йә 300-1300 дирхәм (безнеңчә 2200 дән 9600 сумга кадәр) штраф, яисә төрмә», – диелә хөкүмәт кисәтүендә. Мароккода 20 апрельгә кадәр гадәттән тыш хәл кертелгән, урамга чыгу өчен, максатын күрсәтеп, махсус документ алырга кирәк.

Мароккода 1120 кеше вирус йоктырган, 80 кеше үлгән, дип яза Islam-today.

Фото: https://pixabay.com/