Раяз Фасыйхов: "Әтинең начар чир белән авыруын белгәннән бирле күңел үсмәде"

“Әтинең начар чир белән авыруын белгәннән бирле күңел үсмәде, иҗат та аксады. Әти соңгы аен бездә яшәде, тормыш иптәшем Люция белән энем Рәсим бик ярдәм итте. Әти музыкаль кеше булгач, аңа биш баласы исеменнән скрипка ачкычлы, үзенчәлекле чардуган куйдык. Әни авылдагы өйдә ялгыз калды. Инде бераз онытылып кайтсын дип, әнине шифаханәгә алып бардык. Әти мине кечкенәдән төрле бәйгеләргә йөртте, мин аның җырлары белән сәхнәгә чыктым. Аның теләге – мине сәхнәдә күрү. Шуңа күрә бар көчемне җыеп, яңа җырлар яздыра башладым. Яңа проектларга әзерләнәм”, - диде Раяз Фасыйхов.