16+

Үлгән кешегә Нәнкир белән Мөнкир нинди сораулар бирәчәк?

Үлгән кеше кабергә күмелеп, аны озатучылар таралгач, шул мәет янына Мөнкир һәм Нәнкир исемле ике фәрештә килер (бу – сорау бирүче фәрештәләр). Алар мәеткә түбәндәге сорауларны бирерләр:

Үлгән кешегә Нәнкир белән Мөнкир нинди сораулар бирәчәк?

Үлгән кеше кабергә күмелеп, аны озатучылар таралгач, шул мәет янына Мөнкир һәм Нәнкир исемле ике фәрештә килер (бу – сорау бирүче фәрештәләр). Алар мәеткә түбәндәге сорауларны бирерләр:

1. Раббың кем?
2. Динең кайсы дин?
3. Пәйгамбәрең кем?
Иманлы кеше: «Раббым – Аллаһы, динем – Ислам, пәйгамбәрем – Мөхәммәд галәйһиссәлләм», – дип җавап бирер. Сорау алучы фәрештәләр шулай ук: «Син Мөхәммәд галәйһиссәлләм турында нәрсә беләсең һәм нәрсә уйлыйсың?» – дип әйтерләр. Иманлы кеше болай дип әйтер: «Мин шәһадәт бирәмен ки, ул – Аллаһының колы һәм илчесе».
Әмма имансыз яки монафикъ булучы мәет: «Мин аны белмим», – дип җавап бирер.
Соңыннан Мөнкир һәм Нәнкир сорауларына дөрес җавап бирүче мөэминнең җанын Аллаһы Тәгалә Кыямәт көненә кадәр тынычландырыр.
Әгәр мәет тәкъва кешеләрдән булса, кабер аны: «Йә Аллаһының колы! Җир йөзендә яшәгәндә син минем өчен Аллаһы яраткан бәндәләренең берсе идең. Хәзер исә мин сиңа нәрсә әзерләгәнемне кара!» – дип күркәм мөгамәлә белән каршы алыр. Бу кеше өчен кабер иркен, киң һәм ямьле булачак.

(«Дин вә мәгыйшәт»)

Гөлнара Зиннәтуллина фотосы

Язмага реакция белдерегез

10

0

0

0

0

Реакция язылган инде

Комментарийлар

Мөһим

loading