#Язмалар 13 май 2021, 15:27

Мәктәпне төзекләндерү, корал, зыян күрүчеләрнең кредитлары...: Миңнеханов Путин алдында хисап тотты

13 май 2021, 15:27

Илбашы Владимир Путин җитәкчелегендә узган хөкүмәт утырышында Татарстан Президенты Рөстәм Миңнеханов Казан мәктәбендә килеп чыккан фаҗига буенча килеп чыккан проблемаларны чишү нисбәтеннән хисап тотты.

Скопировать ссылку

Мәктәпне төзекләндерү, корал, зыян күрүчеләрнең кредитлары...: Миңнеханов Путин алдында хисап тотты

Татарстан Президенты үз чыгышында фаҗигадә һәлак булучыларның һәм зыян күрүчеләрнең гаиләләренә түләүләр хакында сөйләде. Шулай ук ул кредиты булучыларның кредитларын бетерү турында карар кабул ителүен дә искәртте. Аерым алганда, Миңнеханов мөрәҗәгатеннән соң "Ак Барс банк"ның бу юнәлештә эшли башлавы хәбәр ителде.

Рөстәм Миңнеханов мәктәпне төзекләндерү мәсьәләләренә дә тукталды. "Без капиталь ремонт уздыру кирәклеге һәм аны лаеклы мәктәп итү турында карар кабул иттек. Ул начар мәктәп түгел иде, әмма без аны тагын да яхшыртачакбыз", диде Президент. Республика җитәкчесе шулай ук барлык мәктәпләрдә иминлек мәсьәләсен арттыру турындагы карар турында да, утлы коралы булган барлык кешеләрне тикшерү турындагы карар кабул ителүе турында да хәбәр итте. Миңнеханов Путинга коралга ия булу турында лицензия бирүче психиатр хезмәтләренең ролен һәм җаваплылыгын арттыру кирәклеге хакында мөрәҗәгать белән чыкты.

Кызыклы яңалыкларны күзәтеп бару өчен безнең МАХ каналына кушылыгыз.