Шәһри Казан

Путин 30 октябрьдән 7 ноябрьгә кадәр эшләми торган көннәр итүне хуплады

Россия Президенты Владимир Путин хөкүмәт әгъзалары катнашында узган утырышта Россия Вице-премьеры Татьяна Голикованың тәкъдимен хуплады.

Россия Президенты Владимир Путинның хөкүмәт әгъзалары катнашында видеоконференция режимында уздырган утырышында Россия Вице-премьеры Татьяна Голикова илдә коронавирус белән бәйле вазгыятьнең катлаулануын хәбәр итте.
– Бер айдан бирле авыру очракларының артуын күзәтәбез. Бер көнгә 35 мең кешедә коронавирус табылды. Сәбәбе чикләү чараларын үтәмәү һәм вакцинация темпы түбән булу, – диде ул.
Голикова Путинга  коронавирус белән бәйле вазгыять аркасында, 30 октябрьдән 7 ноябрьгә кадәр эшләми торган көннәр итәргә тәкъдим итте. Кайбер төбәкләрдә 23 октябрьдән үк кертергә кирәк дип саный ул.

Президент ахыр чиктә Голикова тәкъдиме белән килеште.

Реклама

– 30 октябрьдән 7 ноябрьгә кадәр эшләми торган көннәр итүне хуплыйм. Кирәк булса, бу көннәрне арттырырга да кирәк. Шул ук вакытта хезмәткәрләрнең хезмәт хакын саклансын, – диде ул.
Кайбер төбәкләрдә 23 октябрьдән үк кертергә кирәклегенә басым ясады.

 

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: