Рөстәм Миңнеханов социаль челтәрләргә мөнәсәбәтен белдерде

- Дөнья бик тиз үзгәрә. Әле күптән түгел генә социаль челтәрләр мондый көчкә ия булыр дип кем уйлаган. Социаль челтәрләрнең негатив ягы да күп. Әмма һәр әйбердән яхшысын алырга кирәк, - ди Рөстәм Миңнеханов.

Аның фикеренчә, социаль челтәрләр халык белән элемтәдә булу өчен бик яхшы чара.

- Минем язылучыларым күп һәм сәхифәмдә кызыклы әйберләрне күрсәтергә тырышам.

Тәнкыйди хәбәрләрне ярдәмчеләрем карый, эшкәртә.

Моннан 20 ел элек кенә җитәкчегә турыдан-туры язу хакында уйлап булмый иде. Хәзер исә язалар.Социаль челтәрләр үсәчәк. Кемгәдер ошыймы бу, юкмы, барыбер. Хакимият шул негатив сорауларга җавап таба белергә тиеш, - диде Рөстәм Миңнеханов һәм Хакимият ачык булырга тиешлеген искәртте.  

Лилия ЛОКМАНОВА